18.5.08

အနီးနားက မင်းလေးမြင်အောင် ဖွင့်ပြောဖို့လေ

ကျွန်တော်တို့က အရင်က သူငယ်ချင်းတွေလေ။ အတူသွား၊ အတူစား ငယ်သူငယ်ချင်းတွေ။ ငယ်စဉ်ကတည်းက ပေါင်းလာတဲ့ သံယောဇဉ်က ကျွန်တော်တို့အတွက် ခိုင်မြဲအောင် မချည်ရပဲ ခိုင်မြဲနေတယ်။ တွဲလာတဲ့ အချိန်တွေ ကြာလာတော့ တစ်ဦးပေါ် တစ်ဦး တွယ်တာလာကြတယ်။ မမြင်ရရင် မနေနိုင်အောင် ဖြစ်ခဲ့ကြတယ်။ ကျွန်တော် ချစ်နေတာကို သူသိပါတယ်။ သိအောင်လို့ ဘယ်လိုနည်းလမ်းမှ မသုံးခဲ့ပေမယ့် ကျွန်တော် မျက်ဝန်းကိုတော့ လိမ်လို့မှ မရတာ။ ကျွန်တော်ရဲ့ မျက်ဝန်းမှာ သူ့ကို ချစ်နေတဲ့ ပုံရိပ်တွေကို သူ ကောင်းကောင်း မြင်နေ တယ်လေ။


ဒါပေမယ့် ဖြူစင်တဲ့ သံယောဇဉ် ကနေ အရောင်ပြောင်းဖို့ ခက်ခဲတဲ့အတွက် တစ်ဦးကို တစ်ဦး မြိုသိပ်မှုတွေနဲ့ နေလာခဲ့ကြတယ်။ တစ်ခါတစ်လေကျတော့ ဖွင့်မပြောပဲ ထားတဲ့ စကားတွေက ဖွင့်ပြောတာထက် ပိုပြီး အဓိပ္ပါယ် ရှိတယ်လေ။ သိပ်ချစ်ကြပြီ ဆိုရင် ခွဲရတာပဲ ဆိုတဲ့ စကားအတိုင်း ကျွန်တော်နဲ့ ဝေးရအောင် ကံကြမ္မာက ဖန်တီးခဲ့တယ်။ ကျွန်တော် ပါးစပ်က ချစ်တယ်လို့ သူ့ကို ဖွင့်မပြောလိုက်ရပေမယ့် သူ့ရင်ထဲမှာ ကျွန်တော် ချစ်နေတာ သိသွားတဲ့အတွက်တော့ ကျွန်တော် ကျေနပ်ခဲ့မိတယ်။ အချစ်ဆိုတဲ့ အဓိပ္ပါယ်ကို နည်းမျိုးစုံ အဓိပ္ပါယ် ဖော်နေမိပေမယ့် ကျေနပ်တဲ့ အဖြေ မရခဲ့ဘူး။ လူတိုင်း ပြောနေတဲ့ အချစ်ဆိုတာ ပူလောင်တယ်၊ ပြင်းပြတယ်၊ ရယူခြင်း၊ ပေးဆပ်ခြင်း စသဖြင့်ပေါ့ ပြောကြတာပဲလေ။ ကျွန်တော် ခံစားရတာတော့ အချစ်ဆိုတာ မွန်းကြပ်ခြင်းလို့ ထင်တာပဲလေ။ ဘာကြောင့်လဲ ဆိုတော့ ကျွန်တော် ချစ်တာကို သူသိပေမယ့် ကျွန်တော် ပါးစပ်က ဖွင့်မပြောရတဲ့အတွက် ရင်ထဲမှာ လေးလံပြီး မွန်းကြပ်နေခဲ့တယ်။ သူလဲ ကျွန်တော့်လိုပဲ ခံစားရမယ် လို့ထင်တယ်။ ဘာကြောင့်လဲ ဆိုတော့ ကျွန်တော် ဘယ်အချိန် ဖွင့်ပြောလားမလဲဆိုတဲ့ အချိန်ကို မျှော်လင့် စောင့်စားရင်း မွန်းကြပ် နေလိမ့်မယ်လို့ ထင်တယ်။ ပါးစပ်က ပြောမှ တရားဝင်တာလေ။ မပြောမချင်းတော့ ချစ်တယ် ဆိုတာ သက်သေမပြနိုင်ဘူးလေ။ အချစ်စစ်နဲ့ ချစ်မိပြီဆိုရင် ချစ်တယ်ဆိုတဲ့ စကားကို လူတိုင်း ဘယ်လွယ်လွယ် ပြောရဲပါ့မလဲ။ တစ်ဖက်က ပြန်မချစ်ရင် ခံစားရမှာလေ။ ဒါကြောင့် မြိုသိပ်ခံစားမှု တွေ ဖြစ်လာတာပေါ့။ အောက်က စာသားလေးတွေကို လူတိုင်း ကြားဖူးမှာပါ။ ဇော်ပိုင်သီဆို ထားတဲ့ သီချင်းလေးပါ။

နေတာ အချိန်တွေ ကြာလာလေ၊ တွယ်တာ တာတွေကြာလာလေ၊
ရင်မှာ တစ်ဦးပေါ် တစ်ဦးမှာလေ၊ အနီးနားက မင်းလေးမြင်အောင်
ဖွင့်ပြောဖို့လေ နီးစပ်ခဲ့ပါရစေ ခံစားမှုတွေ၊
နေတာ အချိန်တွေ ကြာလေ၊ ရင်ခုန်သံမြန်လေ
အကြင်နာအချစ်တွေ ဖြစ်ပေါ်နေ၊
သိလျက်နဲ့ မင်းလေး ဟန်ဆောင် နေအုံးမလားလေ
နီးစပ်ခွင့်ပေးပါ ငယ်သူငယ်ချင်းရေ၊ မကြာခင် ပြန်ဆုံပါရစေ
တို့ဆုတောင်းရင်းလေ၊ စိတ်ထဲမှာ မှန်းမျှော်ပြန်ပြီးတွေး
ဘယ်သူအကြင်နာဆုံးလဲ အတိတ်ကို လှမ်းကြည့်လှည့်
မြင်နိုင်မယ်ဆို လှမ်းလို့လာခဲ့လေ
ပန်ဆင်ဖို့ ပန်းလေးလို ပွင့်လန်းနေ
မပန်ချင်လဲ နှလုံးသားကို ချွေလိုက်လေ၊
မြေမှာ ပန်းပွင့်လေးတွေ ကြွေကာ လမ်းခင်းပေးနေ
လာမှာလား မင်းအတွက်ဆိုရင်လေ။

အနီးနားက မင်းလေးမြင်အောင် ဖွင့်ပြောဖို့လေ

မောင်စေတနာ

0 ယောက် မှတ်ချက်ပြုသည်: