16.2.08

ကြက်ဥနဲ့ ဖြတ်ကျော်ရမည့် နေ့ရက်များ

ကျွန်တော့် မိဘတွေက ၀န်ထမ်းတွေဆိုတော့ အမြဲတမ်းပြောင်းရွှေ့တာဝန် ထမ်းဆောင်နေရတယ်။ ကျွန်တော် တောင် မြို့နယ်ပေါင်း(၆)မြို့နယ်ကျော် လောက်မှာ ကျောင်းမျိုးစုံကို တက်ခဲ့ပြီးပြီ။ တစ်မျိုးတော့ ကောင်းတယ်။ နယ်မြေမျိုးစုံရောက်ဖူးတဲ့ အတွေ့အကြုံတော့ရတယ်။ အခုလဲ လာပါပြီ။ အဖေက ရာထူးတိုးနဲ့ နယ်ပြောင်းသွား တယ်။ အမေကလဲ အဖေရှိတဲ့ မြို့ကို လိုက်ပြောင်းရမယ်။ ကဲ ကျွန်တော်တစ်ယောက်တည်း ကျန်တော့တယ်။ ဒါဆို ကျွန်တော်ကို ဘယ်သူချက်ကျွေးမှာလဲ။ ကျွန်တော်က ဟင်းဆိုဘာဟင်းမှ ချက်တက်တာမဟုတ်ဘူး။ ကြက်ဥကျော် က လွဲရင်ပေါ့။

အခုလဲ အဲဒီကြက်ဥအကြောင်းပဲ ပြောမလို့ပါ။ အမေကတော့ ပုဇွန်ခြောက်အစပ်ကြော် ကြော်ပြီးထားခဲ့မယ်။ ပုလင်းနှစ်ပုလင်းထဲ ထည့်ပြီးထားခဲ့မယ်လို့ ပြောတယ်။ ရှေ့ဆက် ကျွန်တော် ဘယ်လိုဟင်းတွေနဲ့ စားသောက်ရမယ်ဆိုတာ အခုထဲက ကျွန်တော်အတွေးထဲ ရောက်နေပြီ။ ရုံးနောက်ကျတဲ့ရက်တွေမှာ ညစာအဖြစ် အမေကြော်ပေးတဲ့ အစပ်ကြော်လေး စားပေါ့။

ဒါဆို ရုံးတက်တဲ့အခါ ကြက်သားလား။ ၀က်သားလား။ မဟုတ်ပါဘူး။ အလွယ်ကူဆုံးနဲ့ ကျွန်တော် အကျွမ်းကျင်ဆုံးဖြစ်တဲ့ ကြက်ဥကြော်ပေ့ါ။ ဒါဆို နောက်နေ့တွေကျ တော့ရော။ ကြက်ဥပြုတ်ပြီး သုတ်ပေါ့။ ဟ ဒါဆို နောက်တစ်ရက်အတွက်ရော။ ဒါလား...ကြက်ဥဟပ်ပွိုင်ကြော် ပေ့ါ။ နောက်တစ်ရက်...ဆေးဘဲဥ။ ဥ ပြောင်းလိုက်ပီနော်။ နောက်တစ်ရက်.....ကြက်ဥ ကြက်သွန်နဲ့ မွှေကြော်။ ဟီးဟီး....။ကြက်ဥ နှစ်လုံးမွှေကြော်။ ကြက်ဥ တစ်ခြမ်းပြုတ် တစ်ခြမ်းကြော်......။ ကြက်ဥ.....ကြက်ဥ... ...ကြက်ဥ...........။

မောင်စေတနာ

0 ယောက် မှတ်ချက်ပြုသည်: