25.10.07

ကျေးဇူးကန်းခြင်း

ကျေးဇူးကန်းခြင်းဆိုသော စကားကို လူတိုင်း၏ ပါးစပ်ဖျားတွင် တွင်တွင်အသုံးပြုနေကြသည်။ ကျေးဇူးကန်း ခြင်းဆိုသောစကားကို ကျွန်တော်နားလည်သလောက် ပြောချင်ပါတယ်။ သူတောင်းစားတစ်ယောက်ကို ပိုက်ဆံလှူခြင်းသည် သူတောင်းစားဆီမှ ဘာပြန်ရစရာရှိ၍ လှူဒါန်းခြင်းလဲဟု မေးခွန်းထုတ်ချင်ပါတယ်။ လူတိုင်းပြောမှာပဲ သူတောင်းစားဆီက ဘာပြန်ရရမှာလဲ သူတောင်မရှိလို့ တောင်းစားနေရတာ၊ ကိုယ်က ပြန်ရစရာ လားလို့ ပြောလိမ့်မယ်။ သူက ပြန်မပေးနိုင်တာကို ကျေးဇူးကန်းတယ်လို့ မပြောကြဘူး။ မိတ်ဆွေ နှစ်ဦးရှိတယ် ဆိုပါတော့ဗျာ။ ဦးဘနဲ့ ဦးမြဆိုပါတော့ဗျာ။ ဦးဘက မိတ်ဆွေအချင်းချင်း တစ်ချိန်က ကူညီခဲ့ တယ်။ ကူညီတုန်းကတော့ ဦးမြက ပြောတယ်။ ငါအဆင်ပြေရင် မင်းရဲ့ကျေးဇူးတွေကို ပြန်ဆပ်ပါမယ့်ပေါ့။ ဒါကို ဦးဘက ပြောတယ် မလိုပါဘူး သူငယ်ချင်းရယ် မင်းကိုကူညီတာ မင်းဆီက ဘာအကျိုးမှ မျှော်ကိုးပြီး ကူညီတာမဟုတ်ပါဘူးလို့ ပြောတယ်။ အဲဒီစကားတွေက အခုလူတိုင်းပြောနေတဲ့ စကားတွေနော်။
နောင်တစ်ချိန် ဦးဘဒုက္ခရောက်တဲ့အခါကြတော့ ဦးမြက မသိချင်ယောင်ဆောင်ပြီး မကူညီဘူးဆိုပါတော့။ ပြောပါလေရော။ ဒီကောင်ကွာ ကျေးဇူးကန်းတဲ့နေရာမှာ နှစ်ယောက်မရှိဘူး။ ငါတစ်ချိန်က သူကို မြေတောင် မြှောက်ပေးခဲ့တာ၊ အခုငါအတွက် ဘာမှအကျိုးမရှိတဲ့ကောင် ဆိုပြီး ပြောပါလေရော။
ဒါဆိုရှင်းပါတယ်နော်။ ငါတစ်ချိန်က မင်းကို အကျိုးပြုခဲ့တယ်၊ အခုမင်းကောင်းစားနေတယ်။ ငါကို ပြန်အကျိုး ပြုလို့ ပြောတဲ့အဓိပ္ပါယ်ပါပဲ။ ပထမတုန်းကတော့ မင်းကိုကူညီတာ ဘာအကျိုးမှ မျှော်ကိုးပြီး ကူညီတာမဟုတ် ပါဘူးလို့ ပြောတယ်။ ဒါပေမယ့် အခုဒုက္ခရောက်တော့ ဦးမြဆီက အကူအညီလိုချင်တယ်။ အဓိကပြောချင်တာက လူတွေဟာ မိမိလုပ်လိုက်တဲ့အပေါ် အကျိုးမျှော်ကိုးတယ်ဆိုတာ ရှင်းပါတယ်။ အဲဒီအကျိုးမျှော်ကိုးလို့လဲ ကျေးဇူးကန်းတယ်တို့ ကျေးဇူးဆပ်ခြင်းတို့ ဆိုတာ ပေါ်လာတယ်လို့ ထင်ပါတယ်။ ပြုလိုက်တဲ့ အရာကို ကုသိုလ်ကောင်းမှုလို့ မြင်ရင်၊ ဒီကုသိုလ်ပေါ် အကျိုးမမျှော်ကိုးရင် ကျေးဇူးကန်းခြင်း ဆိုတဲ့ စကားကို ပြောမှာ မဟုတ်တော့ဘူးလို့ ထင်ပါတယ်။ ကျွန်တော် အဲဒီအတွေးအခေါ်ရတဲ့ နေ့ကစပြီး သူတပါးအပေါ် ဘာပဲလုပ်ပေးလုပ်ပေး သူဆီက အကျိုးဆိုတဲ့ အရာကို မမျှော်ကိုးတော့ဘူး။ မျှော်ကိုးတဲ့ စိတ်လည်း မရှိတော့ပါဘူး။ လူတိုင်းလဲ အဲဒီလို ဖြစ်စေချင်ပါတယ်။ အဲဒါကျွန်တော့်ဆန္ဒပါ။

3 ယောက် မှတ်ချက်ပြုသည်:

My Angle said...

ကျွန်တော့် အမည်က မျိုးငယ်ပါ။အရင်ကဆို သူများတွေရေးတဲ့စာတွေကို ဖတ်ရတာအရမ်းပြင်းပါတယ် (စာမသွား၍) နောက်ပြီး သူများတွေရေးတဲ့စားတွေကို ကွန်မန်းရေးရမှာလည်း စိတ်မပါဘူး (မလိုအပ်ဘူးထင်လို့ပါ) နောက်ပိုင်းကျမှကျွန်တော်ပြန်စဉ်းစာကြည့်မိတယ် ကွန်မန်းရေးတယ်ဆိုတာ လူတစ်ယောက်နဲ့တစ်ယောက် ဆွေးနွေးတာ တိုင်ပင်တာ နောက်ပြီး ကိုယ့်ရဲ့အမြင်ကိုတင်ပြတာ ဝန်ခံတာလို့ကျွန်တော်ယူဆမိတဲ့နေက်မှာတော့ ပထမဆုံးအနေနဲ့ ကျွန်တော် မောင်စေတနာ ဘလော့မှာ ရေးဖြစ်ခြင်းဖြစ်ပါတယ် ရေးဖြစ်ရခြင်းအကြောင်းကတော့ ဦးဘလို လူမျိုးအရင်ကဖြစ်ခဲ့လို့ပါဘဲ ကျေးဇူးအထူးတင်ရှိပါတယ်

Min Aung said...

ဦးဘကမည်သို့မျှ မပြောသော်လည်း - ဦးဘနှင့် ဦးမြတို့၏ဇာတ်လမ်းကို မြင်သိနေသော ဦးစက သူ၏မိန်းမဖြစ်သော ဒေါ်လှကို "ဦးမြက ကျေးဇူးမသိတတ်ဘူး" ဟု ပြောပြလေသည်။ နောင်အခါ ဦးတွင် ဦးမြကပို၍ကြွယ်ဝသွားပြီး ဦးဘကမွဲသည်ထက်မွဲသွားရာ ဦးမြကဦးဘကို အဘက်မတန်သလိုပင် ဆက်ဆံလေသည်။ ထိုအခါ ဦးစက သူ၏မိန်းမဖြစ်သော ဒေါ်လှကို "ဦးမြက ကျေးဇူးကန်းတယ်၊ ဒီလိုလူမျိုးကို ငတ်လို့ကျွေးတာ၊ဒုက္ခရောက်လို့ ကယ်တာကလွဲရင် အင်အားကြီးအောင် မကူမိစေနဲ့ဟေ့၊ လူတွေအတွက် အန္တရာယ်ရှိတယ်" ဟုပြောလိုက်လေသည်။

မင်းကဗျာ said...

ကောင်းမှကောင်းပါပဲ ဦးမင်းအောင် ခင်ဗျား