29.8.10

Google Call Phone

ဂူဂဲလ် အင်တာနက် ဝန်ဆောင်မှု ကုမ္ပဏီကြီးက ဂျီမေးလ်မှ တဆင့် ကမ္ဘာတ၀န်းလုံးရှိ ကြိုးဖုန်းများ အပါအ၀င် လက်ကိုင်ဖုန်းများကို ခေါ်ဆိုနိုင်မည့် Call Phone ၀န်ဆောင်မှုကို ကြာသပတေးနေ့က မိတ်ဆက် လိုက်ကြောင်း သိရသည်။

အမေရိကန်ရှိ ဂျီမေး အသုံးပြုသူ များသို့ ဂျီမေးလ်မှ တဆင့် ဖုန်းများခေါ်ဆိုနိုင်မည့် ဂူဂဲ၏ ဖိတ်ခေါ်ချက်ကို ယမန်နေ့က ပေးပို့ ထားကြောင်းတခြား သော နိုင်ငံများတွင် အသုံး ပြုသူများထံသို့ လည်း မကြာမီပေးပို့ မည် ဖြစ်ပြီး ဂူဂဲ ကုမ္ပဏီ၏ website စာမျက်နှာ တွင် ရေးသား ထားသည်။ Call Phone ၀န်ဆောင်မှုကို အသုံးပြုမည် ဆိုပါက Voice and Video Plug-in ဆော့ဖ်ဝဲလ်ကို ကွန်ပျူတာအတွင်း ဦးစွာ ထည့်သွင်းရန် လိုအပ်ကြောင်းလည်း သိရသည်။

ထို့နောက် ဂျီမေးလ်ရှိ Chat List စာရင်း အပေါ်ဆုံးတွင် ပေါ်လာမည့် Call Phone မှတဆင့် ခေါ်လိုသည့် နံပါတ်ကို နှိပ်၍ သာမန် ဖုန်းများ အသုံးပြုသကဲသို့ ခေါ်ဆိုနိုင်မည်ဖြစ်ပြီး ကွန်ပျူတာရှိ နားကြပ်နှင့် မိုက်ခရို ဖုန်းများကို အသုံးပြုကာ ပြောဆို ဆက်သွယ်နိုင်မည် ဖြစ်သည်။ ပြီးခဲ့သည့် ၂ နှစ်က ဂျီမေးလ်မှတဆင့် အသုံးပြုနိုင်သော အရုပ်နှင့် အသံပါ မြင်တွေ့ကြားသိနိုင်သည့် Video Chat ကို ဂျီမေးလ် အသုံးပြုသူများထံသို့ မိတ်ဆက်ပေးခဲ့သည်။

ယခု Call Phone ၀န်ဆောင်မှုသည် ဖုန်းလိုင်းမကောင်းသည့် နေရာများတွင်လည်း အလုပ်ဖြစ်နိုင်ဖွယ်ရှိပြီး ကုမ္ပဏီတွင် အချိန်အတန်ကြာ စမ်းသပ်ထားကြောင်း ဂူဂဲလ် အင်တာနက်စာမျက်နှာတွင် ဖော်ပြထားသည်။ ယခုနှစ်အတွင်း အမေရိကန်နှင့် ကနေဒါနိုင်ငံများသို့ အခမဲ့ ခေါ်ဆိုနိုင်မည်ဖြစ်ပြီး မြန်မာနိုင်ငံသို့ ခေါ်ဆိုပါက တမိနစ်လျှင် အမေရိကန် ဒေါ်လာ ၃၅ ဆင့် (ကျပ် ၃၅၀ ခန့်) ကုန်ကျမည် ဖြစ်သည်။

https://www.google.com/voice/rates အင်တာနက် စာမျက်နှာတွင် ဖုန်းခေါ်ဆိုခ နှုန်းထားများကို အသေးစိတ် ဖတ်ရှုနိုင်သည်။ အဆိုပါ Call Phone ၀န်ဆောင်မှုကြောင့် ဂူဂဲလ် အနေဖြင့် အင်တာနက်မှတဆင့် တယ်လီဖုန်း ၀န်ဆောင်မှု ပေးနေသည့် Skype အပါအ၀င် တခြားသော တယ်လီဖုန်း ၀န်ဆောင်မှု ကုမ္ပဏီများနှင့် ယှဉ်ပြိုင်ရဖွယ် ရှိကြောင်း လေ့လာသူများက သုံးသပ်သည်။

ကမ္ဘာတ၀န်းလုံး၌ လစဉ် Skype အသုံးပြုသူ ၁၂၄ သန်းရှိပြီး ဖုန်းခေါ်ဆိုမှုကြောင့် တလလျှင် အမေရိကန် ဒေါ်လာ ၈.၁ သန်း ၀င်ငွေရရှိကြောင်း သိရှိရသည်။ ရန်ကုန်မြို့အပါအ၀င် မြန်မာနိုင်ငံရှိ အင်တာနက် အသုံးပြုနိုင်သော မြို့ကြီးများရှိ အင်တာနက်ဆိုင်များတွင် Pifingo အင်တာနက် ဆော့ဖ်ဝဲလ်ကို အသုံးပြု၍ နိုင်ငံအသီးသီးသို့ ခေါ်ဆိုနိုင်သည့် ၀န်ဆောင်မှုကို အင်တာနက်ဆိုင်များက ပေးနေ ကြောင်း သိရသည်။

ဂျီမေးလ် အသုံးပြုသည့် အရေအတွက်ကို ဂူဂဲလ်က ထုတ်ပြန်ကြေညာခြင်း မရှိသော်လည်း သန်း ၂၀၀ ရှိသည်ဟု လေ့လာသူ များက ခန့်မှန်းသည်။ ဖေဖော်ဝါရီလတွင်လည်း ဂူဂဲလ်က ၎င်းတို့ အသစ်ဖန်တီးလိုက်သည့် လူမှု ကွန်ရက် အင်တာနက် စာမျက်နှာ Google Buzz အား ဂျီမေးလ် အသုံးပြုသူများကို မိတ်ဆက်ပေးခဲ့သည်။

၂၀၀၉ ခုနှစ် စက်တင်ဘာလကလည်း ဂူဂဲလ် ကုမ္ပဏီကြီးက ကမ္ဘာ့သတင်း ဌာနများမှ လူကြိုက် အများဆုံး သတင်းများကို တနေရာတည်းတွင် ဖတ်ရှုနိုင်ရန် ရည်ရွယ်၍ အင်တာနက် ၀န်ဆောင်မှုတခု ဖြစ်သည့် Google Fast Flip ကို မိတ်ဆက် ပေးခဲ့သည်။ အရှေ့တောင် အာရှ နိုင်ငံများတွင် စင်္ကာပူနှင့် မြန်မာနိုင်ငံတို့သည် Apple iPhone အမျိုးအစား လက်ကိုင်ဖုန်းကို အများဆုံး အသုံးပြုနေကြောင်း Cellular news အင်တာနက် သတင်းတရပ်တွင် ရေးသားထားသည်။

(Ref: http://www.irrawaddy.org)

မောင်စေတနာ

0 ယောက် မှတ်ချက်ပြုသည်: